Davra - Maxfiylik Siyosati (Privacy Policy)

Mazkur Maxfiylik va xavfsizlik siyosati (keyingi o‘rinlarda – «Siyosat») «Davra» axborot-texnologik agregatori (mobil ilovasi, veb-sayti va rasmiy Telegram boti) ma’muriyati (keyingi o‘rinlarda – «Tizim») tomonidan foydalanuvchilar, Hamkorlar va Menejerlarning shaxsiy hamda moliyaviy ma’lumotlarini yig‘ish, qayta ishlash, saqlash va himoya qilish tartibini belgilaydi. Ushbu Siyosat O‘zbekiston Respublikasining «Shaxsga doir ma'lumotlar to'g'risida»gi (O‘RQ-547-son), «Elektron tijorat to'g'risida»gi va «To'lovlar va to'lov tizimlari to'g'risida»gi qonunlariga hamda xalqaro xavfsizlik standartlariga qat’iy muvofiq ravishda ishlab chiqilgan.

1 Biz qanday ma'lumotlarni yig'amiz?

Xizmatlarni ishonchli, xavfsiz va uzluksiz ko‘rsatish maqsadida foydalanuvchilar toifasiga qarab quyidagi darajadagi shaxsiy ma’lumotlar yig‘iladi:

A. Mijozlar (Foydalanuvchilar) uchun:

Shaxsiy ma'lumotlar: Ism, familiya va tasdiqlangan telefon raqami (Profil yaratish, tizimga kirish, bron xabarnomalari va Telegram boti orqali xizmat ko‘rsatish uchun).
Geo-joylashuv (GPS): Foydalanuvchiga eng yaqin bo‘lgan sport obyektlari va maskanlarini aniq ko‘rsatish uchun (Faqatgina qurilmadan tegishli ruxsat berilgandagina ishlaydi).

B. Obyekt Egalari (Hamkorlar) uchun (Qat'iy KYC va B2B talabi):

Yuridik va shaxsiy ma'lumotlar: Yuridik maqom (YaTT yoki MCHJ), tashkilotning to'liq nomi, JShShIR yoki STIR raqami. Bu firibgarlikning oldini olish va xizmat ko‘rsatuvchining huquqiy maqomini tasdiqlash uchun zarur.
Moliyaviy rekvizitlar: To'lovlarni qonuniy taqsimlash va soliq idoralari oldidagi hisobotlar uchun rasmiy 20 xonali bank hisob raqami hamda MFO kodi.

C. Menejerlar (Adminlar) uchun:

Shaxsiy ma'lumotlar: Ism, familiya, telefon raqami, Pasport/ID-karta ma’lumotlari hamda Telegram akkaunt ma’lumotlari (Telegram ID va username). Bu ma’lumotlar obyektda tartibni saqlash va xavfsizlikni ta’minlash uchun Hamkorning kafolati ostida kiritiladi.

2 Moliyaviy va To'lov Xavfsizligi (B2B Escrow va Split)

2.1. Karta ma'lumotlarini saqlamaslik qoidasi: «Davra» platformasi Mijozlarning bank karta raqamlarini (PAN) va xavfsizlik kodlarini O‘Z SERVERLARIDA SAQLAMAYDI VA QAYTA ISHLAMAYDI.

2.2. Shifrlangan to'lovlar va Fiskallashtirish: Barcha to‘lov operatsiyalari litsenziyalangan to‘lov tashkilotlari (xususan, Paylov/Octagram tizimi) orqali xalqaro 3D-Secure himoya tizimi ostida amalga oshiriladi. Karta ma’lumotlari xavfsiz tokenizatsiya (Token) usulida uzatiladi.
2.3. Hold & Split himoyasi: Mijoz to'lagan zaklad pullari xavfsiz hisobda ushlab turiladi (Hold). Xizmat yakunlangach, pul mablag'lari tizim aralashuvisiz to'g'ridan-to'g'ri Hamkorning qonuniy 20 xonali bank hisob raqamiga (MFO orqali) yo'naltiriladi (Split). Plastik kartalarga norasmiy o'tkazmalar amalga oshirilmaydi.

3 Texnik yaxlitlik va Kiberxavfsizlik

3.1. Bronlar to'qnashuvidan himoya (Double-booking): Platforma yuqori unumdorlikka ega «Real-time» (Jonli) arxitekturada qurilgan. Tizim ma’lumotlar bazasining qulflanish mexanizmlari (PostgreSQL) yordamida bitta vaqtni ikkita mijoz bir vaqtning o‘zida band qilib qo‘yishiga mutlaqo yo‘l qo‘ymaydi.
3.2. Rolli boshqaruv tizimi (RBAC): Tizimda qat’iy ierarxiya mavjud. Obyektga biriktirilgan Menejer faqat o‘zi ishlayotgan smenadagi va o‘ziga tegishli obyektning bronlarigina ko‘ra oladi. Boshqa obyektlarning begona moliyaviy ma'lumotlariga kirish texnik jihatdan to'liq bloklangan.
3.3. Texnik loglar va Cookies: Mobil ilova, veb-sayt va Telegram botining barqaror ishlashini ta’minlash, xatoliklarni kuzatish (Crashlytics) hamda foydalanuvchi tajribasini yaxshilash maqsadida texnik ma’lumotlar (sessiyalar va anonim Cookie fayllari) ishlatiladi.

4 Ma'lumotlarni uchinchi shaxslarga uzatish

Tizim Foydalanuvchilarning shaxsiy ma’lumotlarini reklama agentliklariga, brokerlarga yoki uchinchi shaxslarga SOTMAYDI VA IJARAGA BERMAYMIZ.

Ma’lumotlar faqatgina xizmatni amalga oshirish uchungina quyidagi holatlarda taqdim etiladi:

4.1. Obyekt ma'muriyatiga: Mijoz bron qilganda, obyekt menejeriga faqatgina mijozning ismi va telefon raqami (kutib olish va zarur bo‘lganda bog‘lanish uchun) ko‘rsatiladi.
4.2. To'lov tashkilotlariga (Paylov va b.): Tranzaksiyani xavfsiz yakunlash va taqsimlash uchun zaruriy token va yuridik bank rekvizitlari kiritiladi.
4.3. Huquqni muhofaza qiluvchi organlarga: Faqatgina O‘zbekiston Respublikasining amaldagi qonunchiligida belgilangan qat’iy tartibda, sud qarori yoki rasmiy so‘rov xati asosidagina taqdim etilishi mumkin.

5 Foydalanuvchi huquqlari va Ma'lumotlarni o'chirish

Tizim foydalanuvchilari quyidagi huquqlarga ega:

5.1. O‘z shaxsiy kabinetida (ilova, veb-sayt yoki bot orqali) o‘z ma’lumotlarini erkin ko‘rish va tahrirlash;
5.2. Tizimdan va ma’lumotlar bazasidan o‘z profilini, bronlar tarixini to‘liq o‘chirib tashlashni talab qilish (Agar foydalanuvchining faol bronlari va moliyaviy qarzdorligi mavjud bo‘lmasa);
5.3. Qurilma sozlamalari orqali xabarnomalar (Push-notifications) va geo-joylashuv (GPS) uzatilishini xohlagan vaqtda cheklash.

* Eslatma: Profil va ma’lumotlar o‘chirilgandan so‘ng ham, B2B moliyaviy tranzaksiyalar tarixi va buxgalteriya hujjatlari O‘zbekiston Respublikasining soliq va qonunchilik talablariga binoan arxiv holatida qonunda belgilangan muddatgacha saqlanishi mumkin.

6 Aloqa va Murojaatlar

Maxfiylik siyosati, shaxsiy ma’lumotlarga ishlov berish yoki ularni o‘chirish yuzasidan savol va murojaatlar uchun Tizim ma’muriyatiga rasmiy ravishda murojaat qilishingiz mumkin:

Mulkdor / Mas’ul shaxs: YaTT «Norboboyev Alibek Shuhrat o‘g‘li»
Elektron pochta: alibeknorboboyev268@gmail.com
Rasmiy Telegram botimiz: @davra_uz_bot

Maxfiylik va Xavfsizlik Siyosati (Privacy & Security Policy)