Davra - Ommaviy Oferta Shartlari

Mazkur Ommaviy oferta (keyingi o'rinlarda – "Oferta") sport va dam olish maskanlarini onlayn bron qilish uchun mo'ljallangan "Davra" axborot-texnologik agregatori (mobil ilovasi, veb-sayti va rasmiy Telegram boti) ma'muriyati (keyingi o'rinlarda – "Tizim") tomonidan taklif etiladigan xizmatlardan foydalanish shartlarini belgilaydi.

O'zbekiston Respublikasi Fuqarolik kodeksining 369 va 370-moddalariga muvofiq, mazkur hujjat ommaviy oferta hisoblanadi. Tizimning mobil ilovasida, veb-saytida yoki rasmiy Telegram botida ro'yxatdan o'tish, SMS-kodni tasdiqlash yoki xizmatlar uchun to'lovni amalga oshirish orqali Foydalanuvchi, Hamkor va Menejer ushbu Oferta shartlarini to'liq, cheklovlarsiz va so'zsiz qabul qilgan (Aksept etgan) hisoblanadilar.

1 Atamalar va Tushunchalar

1.1. Davra (Tizim / Platforma): Sport va dam olish maskanlarini (stadion, kort, maydoncha va h.k.) onlayn qidirish, band qilish va to'lovlarni amalga oshirish uchun mo'ljallangan axborot-texnologik tizim. Tizim mulkdori va boshqaruvchisi – YaTT "Norboboyev Alibek Shuhrat o'g'li".
1.2. Hamkor: Tizim orqali o'ziga tegishli sport obyektlarini ijaraga beruvchi va xizmat ko'rsatuvchi yuridik shaxs (MCHJ) yoki yakka tartibdagi tadbirkor (YaTT).
1.3. Menejer (Admin): Hamkor tomonidan Tizimda obyektni boshqarish, bronlarni qabul qilish va mijozlarni ro'yxatdan o'tkazish uchun tayinlangan hamda Tizimda alohida akkaunt ochgan jismoniy shaxs.
1.4. Mijoz (Foydalanuvchi): Tizim orqali sport obyektining muayyan vaqtini bron qiluvchi va xizmat haqi uchun onlayn to'lovni amalga oshiruvchi jismoniy shaxs.
1.5. Hold va Split (Himoyalangan to'lov va Taqsimot): Mijoz to'lagan mablag'lar litsenziyalangan to'lov tashkiloti (Paylov) orqali vaqtincha muzlatilib (Hold), xizmat muvaffaqiyatli ko'rsatilgach, tizim komissiyasi chegirilgan holda qolgan qismi avtomatik ravishda Hamkorning rasmiy bank hisob raqamiga (20 xonali tranzit) taqsimlab o'tkazilishini (Split) ta'minlovchi mexanizm.

2 Tizimning yuridik maqomi (Agregatorlik va Tranzit)

2.1. "Davra" platformasi sport obyektlarining egasi emas, balki Hamkorlar va Mijozlarni o'zaro bog'lovchi mustaqil axborot-vositachilik (IT-agregator) platformasi hisoblanadi.
2.2. Sport va ijara xizmatlarini ko'rsatish bo'yicha to'g'ridan-to'g'ri shartnoma munosabatlari faqatgina Hamkor va Mijoz o'rtasida yuzaga keladi. Tizim mazkur shartnomaning tarafi sanalmaydi.
2.3. Soliq va Fiskalizatsiya majburiyatlari: Mijoz tomonidan amalga oshirilgan to'lovlar litsenziyalangan to'lov hamkorlari (Paylov) orqali avtomatlashtirilgan tarzda fiskallashtiriladi (OFD/MXIK). Tizim o'zining faoliyati uchun faqatgina o'zining axborot-vositachilik xizmat haqi (komissiyasi) bo'yicha soliq to'laydi. Hamkorga o'tkazib beriladigan pul mablag'lari (tranzit pullar) bo'yicha barcha soliq majburiyatlari to'liq Hamkor (YATT/MCHJ) zimmasidadir.

3 To'lov tizimi, Xavfsizlik va B2B Escrow qoidalari

3.1. Zaklad va Komissiya: Mijoz Obyektni band qilish uchun belgilangan miqdorda zaklad to'laydi. Umumiy to'lov summasiga Tizimning xizmat haqi va to'lov tizimlarining komissiyalari qo'shib hisoblanishi mumkin.
3.2. Hold & Split tartibi: Mijoz to'lagan mablag'lar qonuniy B2B shartnomasi asosida boshqariladi. Mijoz obyektga yetib borib tashrif tasdiqlangandan so'ng, Tizim o'z komissiyasini ushlab qolgan holda qolgan summani Hamkorning 20 xonali bank hisob raqamiga (MFO orqali) avtomatik taqsimlab (Split) o'tkazib beradi. Plastik kartalarga to'g'ridan-to'g'ri norasmiy o'tkazmalar amalga oshirilmaydi.
3.3. 3D-Secure himoyasi: Barcha to'lovlar litsenziyalangan to'lov tashkilotlari (jumladan Paylov tizimi) va 3D-Secure texnologiyasi orqali himoyalangan holda amalga oshiriladi. Tizim Mijozlarning plastik karta rekvizitlarini (PAN va muddatini) o'z serverlarida saqlamaydi.
3.4. Firibgarlikka qarshi nazorat (Anti-Fraud): Tizim ma'muriyati shubhali yoki firibgarlik alomatlari mavjud bo'lgan tranzaksiyalarni aniqlaganda, ularni to'xtatish, to'lovni bekor qilish yoki shubhali akkauntlarni bloklash huquqini o'zida saqlab qoladi.

4 Pulni qaytarish (Refund) va Bekor qilish qoidalari

Mijoz tomonidan bron bekor qilinganda mablag'lar quyidagi tartibda qaytariladi:

4.1. 100% Qaytarish: Agar Mijoz o'z bronini belgilangan vaqtdan kamida 24 soat oldin Tizim orqali bekor qilsa, to'langan pul Mijozga to'liq qaytariladi.
4.2. 50% Qaytarish: Agar bron boshlanishiga 12 soatdan 24 soatgacha qolganda bekor qilinsa, zakladning 50% qismi Mijozga qaytariladi, qolgan qismi Tizim va Hamkor foydasiga jarima (neustoyka) sifatida o'tkaziladi.
4.3. Qaytarilmaydi (0%): Agar bron vaqtiga 12 soatdan kam vaqt qolganda bekor qilinsa yoki Mijoz obyektga kelmasa (No-show), to'lov qaytarilmaydi.

5 Hamkor va Menejerlar uchun Qat'iy Qoidalar

Diqqat: Tizimni chetlab o'tib, mijozlarni "qora kassa" orqali yashirin qabul qilish qat'iyan taqiqlanadi.

5.1. Javobgarlik: Hamkor o'z obyektini boshqarish uchun Tizimga Menejerlarni biriktirishi mumkin. Menejerning har qanday qoidabuzarligi yoki moliyaviy xatosi uchun yuridik va moddiy javobgarlik to'g'ridan-to'g'ri Hamkor (YATT/MCHJ egasi) zimmasida bo'ladi.
5.2. Xizmat ko'rsatish majburiyati: Mijoz Tizim orqali qonuniy bron qilib kelganda, Hamkor o'z aybi bilan xizmat ko'rsata olmasa, Mijozning puli 100% qaytariladi, Hamkor esa jarimaga tortiladi.

6 Nizolarni hal qilish va Yakuniy qoidalar